مذكرات مشرفة قرفانة من نفسها, براحة وانت داخل كمان

بصوا بقي يامعلمين
انتبهولي كده وصحصحوا الساعة دلوقتي 04:35
ولسه مش نمت بسببكوا
هتجننوني خليتوا شعري يقع من كتر اما شديت فيه
بصوا
من النهاردة ومن الساعة دي
مفيش زفت مواضيع محدش عاد يكتب مواضيع هنا
عايزين تكتبوا حاجة اكتبوها برة مش هنا
مش طالبااااكوا بقولكوا
دا اللي ناقص كمان
اما انا مسكت الاشراف هنا ليه
ولو حد ناوي يكتب مواضيع يكتب موضوعين بكتير اوي
وليه موضوعين خليها موضوع واحد كفاية
وليه تكتبوا اصلا متكتبوش اعملو اللي قولتلكوا عليه واكتبوا برة مش هنا
مش ناقصين والنبي
كل شوية موضوع مخالف ومتكرر وبلاوي زرقة
هصرف عليكوا من جيبي كمان واصلحلكوا ولا ايه
ارحموني
قرفتوني في عيشتي حرام عليكوا
كان يوم مليان رعد وبرق وزعابيب يوم ما مسكت الاشراف
سيبوني في حالي
انت ياللي بتزغر بعنيك انت ايوة بتبص عالموضوع بقرف كده ليه
مش عاجبك
طب اعمل حسابك بقي ان مواضيعك كلها مخالفة
هاه ومنتش معتبها تاني
يانا يانت في المنتدي
مش عارفين نربيكوا ولا ايه
تعبتوني الله يتعبكوا
وليكن في معلومكوا اللي هيعترض
هغوزه
مش هسيبه غير وهو متعور
واللي مش عاجبه ميتكلمش اساسا
يتكلم ليه
وكمان مفيش ردود علي اي مواضيع
اللي عايز يرد يدفع نص جنيه في الخزنة برة وبعدين يرد
هو ده النظام
وقايمة الاسعار هتنزل قريب
وشوفوا اما اقولكم
توقيعات ملهاش لازمة مش عايزين
يعني تخش هنا بأدبك
ومتتكلمش
ولو نكتة عجبتك متضحكش تضحك ليه اساسا مش عايزة اسمع صوتك
داخلين القسم نهزر بقي ولا ايه
وبعدين وانت بتقري الموضوع ده تربع ايدك وتنزل ايدك من عالماوس اساسا
وتبص عدل
بلاش التتنيحة دي
ولا رفعة الحاجب
لحسن انا عرفاكوا مبتجوش غير بالعين الحمرا
انا حذرت اهو
اللي مش هيلتزم باللي قولته هطلعهولكوا قتيل

مذكرات مشرفة قرفانة من نفسها, براحة وانت داخل كمان 99530b2bcf4b1aba290e25b18a253793

مذكرات مشرفة قرفانة من نفسها, براحة وانت داخل كمان 99530b2bcf4b1aba290e25b18a253793

من غير زعل احنا بنهزر بس
مذكرات مشرفة قرفانة من نفسها, براحة وانت داخل كمان D9c82c0423a21db461583703bae8d2c7

طيب مش هلتزم

اما نشوف هتطلعيني قتيل ازاي بأه

وريني هتعملي ايه ؟؟؟؟؟؟؟

ودي ليكي